Kalaallit Nunaanni Naatsorsueqqissaartarfik

Naatsorsueqqissaartarfik Kalaallit Nunaanni pisortatigoortumik naatsorsueqqissaarinernut qitiusumik oqartussaasuuvoq. Naatsorsueqqissaartarfiup inuiaqatigiit tungaasigut ineriartornerup, politikikkut allaffissornikkullu aalajangiinerit kiisalu pilersaarusiornerit misissoqqissaarnissaannut paasissutissatigut tunngavigineqartut qulakkeerneqarnissaat akisussaaffigaa. Ulluinnarni aqutsisoqarneq naatsorsueqqissaartarfimmi pisortaasumit isumagineqarpoq, taassumalu suliffeqarfik avammut aamma sinniisuuffigaa.

 

Aaqqissussaanikkut inissisimaneq

Naatsorsueqqissaartarfik aaqqissuussaanikkut Aningaasaqarnermut Naalakkersuisoqarfiup ataaniippoq.